VOV4.K’ho - Drim òr (17/02), Thủ tướng Nguyễn Xuân Phúc neh tus dơ\ pơrjum lơh jăt kơnòl tờm nam 2021 bơh Anih lơh broă Chính phủ dê. Thủ tướng sồr anih lơh broă Chính phủ tơrgùm bơsong broă tơn bơh ngai lơh broă sơnrờp ngan tơnơ\ mờ neh ơm rơlô satềp, rơcang drơng niam ală dơ\ pơrjum, ală broă lơh bơh kuang đơng lam Chính phủ jăt mờ tơngai lơh broă.

Thủ tướng đơs tàm dơ\ pơrjum

Sền gròi, lơh jăt nền nòn bơta kòp Covid-19 nàng pơlam, ai geh jơnau pơgồp di pal. Anih lơh broă Chính phủ pal di tu\ pơlam ală broă lơh geh cồng nha nàng rơcang sơndră di tu\ mờ kòp gơtờp, ba` lời tàm broă đơng lam geh ală bơta kal ke gơbàn, tàm hơ\ uă ngan là broă chồl pràn broă lơh sa kă bro tơn bơh tơnơ\ mờ satềp. Anih lơh broă Chính phủ pal lam sồr dơ\ pơrlòng lơh broă tơn tơnơ\ mờ satềp, ai geh nùs nhơm lơh broă chờ hờp, bơta pràn pa tàm nam 2021, nam sơnrờp lơh jăt kơrnoăt pơrjum dờng Đảng dơ\ 13 dê.

Cau mblàng Ndong Brawl