VOV4.K’ho – Mho òr (15/2), tàm Hìu duh broă Chính phủ dê, Thủ tướng Nguyễn Xuân Phúc wa\ rò mò Tôn Á Phương- Chủ tịch Tập đoàn Huawei lơgar Lo. Tàm dơ\ wa\ rò, Thủ tướng Nguyễn Xuân Phúc đơs niam ngan mờ chờ hờp bal mờ ală cồng nha lơh geh bơh Tập đoàn Huawei dê tàm làm gùt dunia kung bè tàm tiah châu Á mờ tàm lơgar Việt Nam. Yal wơl ală bơta kah niam bơne\ ngan bơh ală dơ\ lòt còp ală anih lơh sa bơh Huawei dê tàm lơgar Lo, Thủ tướng Nguyễn Xuân Phúc jờng rơ broă Huawei gam pơn jat tai rề ơnàng broă lơh lơh sa kă bro tàm drà Việt Nam. Thủ tướng kơ\p kờn Huawei lơh pràn tam klac bal mờ ală mpồl lơh sa kă bro kông nghệ thông tin Việt Nam dê tàm broă ờdo ờdă yal tơngi\t jơnau tài bơh Việt Nam kung geh sơl ală mpồl lơh sa kă bro kông nghệ thông tin geh bơngă bal mờ bơta pràn jak bơtàu tơnguh uă ngan tàm tơngai tus. Huawei là tập đoàn tu\ do geh rlau 180 rbô nă cau lơh broă tàm 170 lơgar mờ gam drơng broă 1/3 khà kờp làng bol gùt dunia in bè ală bơta gơrềng tus kông nghệ thông tin.

Cau cih mờ yal tơng^t- Lơ Mu K’ Yến