VOV4.K’ho – Mho òr 31/7, tàm hìu lơh broă Chính phủ, Thủ tướng Nguyễn Xuân Phúc wă ồng Trần Nghĩa Long, Chủ tịch Hội đồng quản trị kong ti TNHH Tập đoàn năng lượng pa Kaidi Dương Quang mờ ồng Tưởng Vinh Kiện, Phó kuang atbồ kong ti TNHH atbồ phan bơna Hoa Dung, lơgar Lo, gam geh dơ\ tus còp lơgar Việt Nam nàng mut lơh tam klac bơcri priă.

Tàm dơ\ wă, Thủ tướng đơs loh nùs nhơm bơh lơgar Việt Nam dê là gàr niam rơndap sap sèng dipal bè đèng chah, ală bơta năng lượng ndai bè năng lượng lơh gơlik wơl. Gah lơi lơh broă is gơtùi lơh den dà lơgar lời cau dùl nă să is lơh mờ geh ai wơl ală rơndap broă mut lơh ờ niam nàng jàu ală cau bơcri priă geh pràn jak in, ai tơl bơta [uơn nàng ală cau bơcri priă lơgar ndai, tàm hơ\ geh lơgar Lo bơcri priă tàm lơgar Việt Nam. Thủ tướng đơs tờm, broă ală mpồl lơh sa kă bro bơcri priă tàm lơgar Việt Nam pal sền gròi ngui công nghệ pa, rềp mềl mờ tiah ơm kis, mut lơh di mờ tơngai pơrgon.