VOV4.K’ho – Mho òr, 5/7, tàm Gơlang Chủ tịch, Thủ tướng Nguyễn Xuân Phúc đơng lam dơ\ wă rò Thủ tướng lơgar Armenia, ồng Nikol Pashinyan còp ngan ngồn lơgar Việt Nam. Tơnơ\ dơ\ wă rò, 2 nă Thủ tướng bal mờ mpồl kuang bàng dờng màng 2 lơgar neh cribơyai broă tàm nùs nhơm song dơpă mờ cèng bềng bơta git gơp lơh bơyô bal. 2 nă Thủ tướng neh ring bal uă rơndap broă mờ broă lơh kờ` sơlơ chồl pràn rlau tai lơh broă bal uă gah đah Việt Nam mờ Armenia tàm tơngai tus.

Thủ tướng Việt Nam mờ Thủ tướng Armenia kung neh cribơyai bè uă broă dunia mờ tàm ală lơgar rềp bal mờ jơh bal 2 lơgar ndrờm sền gròi, tàm hơ\ geh broă bơsong ring lơngai jat adat boh lam dunia ală tam pìt tam phà tàm tiah châu Á – Thái Bình Dương, tàm hơ\ geh dà lềng đah mattơngai lik. Tơnơ\ dơ\ tìp mat cribơyai broă, 2 nă Thủ tướng neh sền dơ\ ki\ Hiệp định đah Chính phủ lơgar Việt Nam mờ Chính phủ lơgar Armenia bè lơh broă bal tàm gah bơto bơsram mờ khoa học.

Cau mblàng K’Duẩn