VOV4.K’ho- Ngai òr, broă lơh pơrjum G20 neh sơn đờm mut lơh mờ ală broă lơh bơdìh bè lơh sa sồ, Pơrjum dơ\ 1 bè tam gơl pa, bơceh pa, Pơrjum dơ\ 2 bè Lơh sa gùt plai ù, Kă bro mờ bơcri priă.

Thủ tướng Chính phủ lơgar he ồng Nguyễn Xuân Phúc tus bal jơh 3 dơ\ pơrjum do. Đơs tàm dơ\ pơrjum, Thủ tướng đơs ngan, Việt Nam mờ ală lơgar ASEAN rcang lơh broă bal mờ ală lơgar tàm mpồl G20 pơn jờng tam gơl pa, bơceh pa, dờp geh uă ngan bơta kuơ bơh lơh sa sồ dê.

Đơs tàm dơ\ pơrjum dơ\ 2 bè Tam gơl pa, bơceh pa tàm mho ngai òr 28/6, Thủ tướng Nguyễn Xuân Phúc pà g^t, Việt Nam sền lơh sa sồ là dùl tàm ală broă lơh kuơ màng sơlơ tơnguh lơh sa mờ geh ai Broă lơh kuơ màng tam gơl khà dà lơgar tàm lồi nam 2019.

Thủ tướng Nguyễn Xuân Phúc neh yal jơnau bơceh lơh bè ală broă lơh gùt plai ù tàm tơrbo\ ală trung tâm tam gơl pa, bơceh pa, tàm hơ\ geh ală trung tâm kơlôi sơnơng- bơtàu tơnguh bồ tơngoh jak kòn bơnus lơh is, nàng tơnguh broă tam pà bal bơta g^t wă, công nghệ pa, dong kờl ală lơgar gam bơtàu tơnguh geh ală tu\ tơngai buơn bơh tam gơl pa, bơceh pa mờ bồ tơngoh bơnus lơh is, gàr niam ờ lời cau lơi gơtìp lời wơl bơh ngkời mờ tơnguh bơta ring lơngai, bơtàu tơnguh kơ\ kơl jap tàm rài lơh sa pa.

Pơrjum kuang bàng dờng màng G20 ngai do, 29/6 pơn jat tai ală dơ\ cribơyai kuơ màng tàm broă bơtàu tơnguh kơ\ kơl jap, broă lơh, cau ùr, sơnơm tơm [a, tiah ơm kis, ồs đèng, tàm gơl trồ tiah…

Cau mblàng K’ Hạnh