VOV4.K’ho- Drim òr (24/12), tàm hìu lơh broă Chính phủ, Thủ tướng ồng Nguyễn Xuân Phúc đơng lam dơ\ lơh broă bơh Chính phủ mờ Tổng Liên đoàn Lao động Việt Nam, sền wơl cồng nha bơh dơ\ lơh jăt kơrnoăt bè broă lơh bal bơh bàr anih lơh broă tàm tơngai bơh nam 2016 tus 2020.

Tàm tơngai lơh broă do, do là dơ\ pram Thủ tướng lơh broă mờ Đoàn Chủ tịch Tổng Liên đoàn nàng bơsong ală jơnau đơs, jơnau dan, bơsong ală broă geh ai tàm broă pơgồp bal bơh Chính phủ mờ Tổng Liên đoàn Lao động Việt Nam, tơrgùm tàm broă gàr niam broă lơh kơl jăp, tơnguh uă priă geh tàm rài kis mờ broă lơh ai công nhân, cau lơh broă in.

Thủ tướng đơs loh, broă rài kis, broă lơh mờ broă bơh giai cấp công nhân kuơ màng ngan, tàm dơ\ lơh broă do, bal mờ broă sền wơl cồng nha neh lơh geh tàm broă pơgồp bal tơngai 5 nam do, Thủ tướng đơs là, pal tơl^k jơnau bơsram, g^t đal ală broă lơh gam gơtìp kal ke, ală gùng dà broă lơh pa bè broă lơh bơh giai cấp công nhân dê, bơh tu\ hơ\ ai geh ală broă lơh, gùng dà broă lơh bè broă bơsong broă lơh kơl jăp, tơnguh uă rài kis jơh bè phan bơna mờ nùs nhơm, tơnguh geh broă lơh ai công nhân in lơh broă.

Cau mblàng Ndong Brawl