VOV4.K’ho - Dờp jơnau jà bơh Thủ tướng lơgar Nhờk ồng Shinzo Abe, Thủ tướng ồng Nguyễn Xuân Phúc bal mờ pơ-ùr geh lam bồ mpồl kuang bàng dờng màng lơgar Việt Nam tus pơrjum dờng mpồl G20 mờ còp lơgar Nhờk bơh nhai 27 nhai 6 tus ngai 01 nhai 7.

Thủ tướng ồng Nguyễn Xuân Phúc geh tus pơrjum mờ geh jơnau đơs tàm pơrjum dờng, tam pà bal jơnau kơlôi sơnơng, broă lơh bal mờ lơh ngan bơh lơgar Việt Nam dê tàm broă bơsong ală broă lơh sa gùt plai ù tài dùl dunia tơlir, dùl dunia ring lơngai tơnguh bơtàu mờ pas gơs, ờ lời geh cau lơi gơtìp sơbì is hờ tơnơ\.

Tàm tơngai tus pơrjum, Thủ tướng geh ală broă tìp bal mờ kuang bàng đơng lam ờ uă lơgar. Broă tus bal pơrjum mpồl G20 geh tơngo\ broă rơcang lài, tơrgùm bal mờ dunia bơh lơgar Việt Nam dê, tơl^k nùs nhơm geh dờp bơh mpồl bơtiàn dunia gơwèt mờ nùs nhơm pin dờn bal mờ bơngă bơh lơgar Việt Nam-dùl lơgar geh nùs nhơm pin dờn, geh kơnòl mờ bơta ring lơngai, lơngăp lơngai mờ tơnguh bơtàu tàm tiah do.

Cau mblàng Ndong Brawl