VOV4.K’ho - Tàm càr lơgar Bangkok, lơgar Thái Lan, Thủ tướng ồng Nguyễn Xuân Phúc bal mờ ală kuang bàng đơng lam mpồl ASEAN neh tus pơrjum bal bơh pơrjum dờng mpồl ASEAN dơ\ 34 geh Thủ tướng lơgar Thái Lan ồng Prayut Chan-o-cha, Chủ tịch mpồl ASEAN nam 2019 đơng lam.

                               Thủ tướng ồng Nguyễn Xuân Phúc pơrjum dờng mpồl ASEAN dơ\ 34

Mờ gơnoar lơh CHủ tịch pơn jăt tai mpồl ASEAN, đơs tàm pơrjum, Thủ tướng ồng Nguyễn Xuân Phúc đơs tòm mpồl ASEAN pal ai lài broă pơn jăt tai tơnguh nùs nhơm tam klăc, pơgồp bal tàm dơlam mpồl, tơnguh gơnoar tòm mờ geh cồng nha bơh ală cơ chế tiah do geh mpồl ASEAN đơng lam mờ tề lam.

Mpồl ASEAN pal chồl pràn broă pơgồp bal lơh sa, ngui geh cồng nha ală jơnau hơ mờ jơnau ring bal neh geh k^, ai geh tiah kă bro ring niam.

Tơnguh uă bơta pràn sơndră mờ ală bơta ờ niam mờ kal ke bơh broă lơh jăt công nghệ 4.0, sền kuơ broă pơgồp bal mờ tơnguh bơtàu ală anih lơh broă công nghệ 4.0.

Thủ tướng kung sồr mpồl ASEAN pơn jăt tai chồl pràn broă lơh bal tàm ală gah geh cèng bơta kuơ mùl màl làng bol in, chồl pràn broă lơh niam thể chế mờ tơnguh uă cồng nha broă lơh bơh mpồl ASEAN dê.

Cau mblàng Ndong Brawl