VOV4.K’ho- Pơndu\t dơ\ pơrjum Thường trực Chính phủ bal mờ bàr pe bộ, gah lơh broă dà lơgar mờ ală càr, [òn dờng bè broă lơh rcăng sơndră kòp Covid-19, lồi poh lài, ồng Nguyễn Xuân Phúc Thủ tướng Chính phủ tơngkah, ờ go\ di lời gơlik geh jơnau roh bơta ờdo ờdă tài bơh kòp bơtờp.

Gah Lơh sơnơm pal lơh gơs mờ geh bơta bơto pơlam loh làng bè xét nghiệm, ơm yah ngài, sồr xét nghiệm mhar gơ wèt mờ cau mu\t bơh lơgar ndai; lơh gơs mờ ai ngui ală broă bơto pơlam, gròi sền rcăng sơndră kòp gơ wèt mờ cau mu\t bơh lơgar ndai nàng ală mpồl lơh sa kă bro, ală anih lơh sa kă bro in [ươn lơh jăt. Tềng đăp broă uă mpồl lơh sa kă bro tu\ do gam kwi kwơ tu\ wa\ cau jak chài, Thủ tướng kung sồr ală broă wa\ ală cau jak chài, cau bơcri priă pal loh làng, ờ ndơ\p mpồn.

Ală sră nggal pal lơh dùl êt, [ươn mờ sơrbac mhar. Ală tiah bal mờ bơta dong kờl bơh gah lơh sơnơm dê pal tă bơsong broă do. Jăt jơnau yal bơh Bộ Y tế dê, tus tu\ do, bơta kòp bơtờp tàm lơgar he neh geh gròi sền. Mơya, tàm tơngai lơgar Việt Nam geh pờ mpồng mờ dunia nàng dong bơtàu tơnguh lơh sa den pơhìn bơtờp kòp kung gam geh sùm sơl, ngan là tu\ geh nùs ờ go\ rcăng ngăc.

Cau mblàng Lơ Mu K’Yến