VOV4.K’ho- Drim òr (07/12), tàm [òn dờng Hồ Chí Minh, Đảng uỷ Kuang àng Dà lơgar, Bộ Kuang àng bơyai lơh sơn đờm pơrjum Kuang àng gùt lơgar dơ\ 76.

                Thủ tướng ồng Nguyễn Xuân Phúc bal mờ mpồl kuang bàng đơng lam Bộ kuang àng

Thủ tướng ồng Nguyễn Xuân Phúc tus pơrjum mờ geh jơnau đơng lam pơrjum. Pơrjum kờ` tơn jơh, sền wơl broă lơh, cồng nha ală gah broă tàm nam 2020 mờ tơn jơh broă pơrlòng “Tài bơta lơngăp lơngai dà lơgar” nam 2020; lơh jăt kơnòl broă lơh nam 2021 mờ ală nam pơn jăt tai; lam sồr broă pơrlòng “Tài bơta lơngăp lơngai dà lơgar” nam 2021.

Tàm broă bơyai lơh pơrjum, Thủ tướng ồng Nguyễn Xuân Phúc neh ai sơn đờm mu\t ngui anih yal tơng^t broă drơng ala Bộ kuang àng. Broă sơn đờm mờ ai ngui anih yal tơng^t Bộ kuang àng geh anih: https://dichvucong.bocongan.gov.vn geh ngui lơh broă là bơta tơngo\ kuơ màng tàm broă bơ\t bơtàu Chính phủ điện tử bơh Bộ kuang àng dê; tơl^k nùs nhơm lơh ngan bơh Bộ kuang àng dê tàm broă lơh niam sră nggal, lơh ndrờm bal jơh ală sră nggal, ai làng bol, mpồl lơh sa lơh tờm tàm broă drơng broă lơh, pơgồp bal tàm broă wèt tus broă bơ\t bơtàu Chính phủ bơceh lơh, di pal, lơh broă niam.

Cau mblàng Ndong Brawl