VOV4.K’ho - Drim òr (27/8), tàm Hà Nội, Thủ tướng ồng Nguyễn Xuân Phúc, Chủ tịch mpồl duh broă pơrlòng, pơn jờng Dà lơgar tus pơrjum tơnkah 75 nam ngai crơng gơs gah lơh broă bal mờ lơgar ndai (28/8) mờ pơrjum dờng pơrlòng kờ` gơboh mờ dà lơgar tơngai bơh nam 2020 tus 2025.

Thủ tướng đơs niam Bộ Ngoại giao tàm tơngai do neh lam sồr uă broă pơrlòng kờ` gơboh mờ dà lơgar niam, pơgồp bal kuơ màng tàm broă lơh nàng geh cồng nha pơnyờ să ngan tàm 75 nam do bơh gah lơh broă bal mờ lơgar ndai dê.

Kờ` lơh niam kơnòl geh jào tàm tơngai tus, Thủ tướng sồr gah lơh broă bal mờ lơgar ndai lơh jăk 5 kơnòl, tàm hơ\ geh broă chồl pràn broă lơh bal bơh lơgar Việt Nam mờ ală lơgar lơh broă bal geh jrô ơnàng, geh cồng nha, ring niam, kơl jăp.

Sùm gàr niam kơrnoăt gùng dà broă lơh bal mờ lơgar ndai Đảng dê, mờ ring niam, jăk chài, tơnguh pơgồp bal broă lơh geh kuơ, tơnguh bơta ring bal, ndrờm bal broă lơh bal, tàm hơ\ uă ngan là mờ ală lơgar dờng mờ ală lơgar geh broă lơh bal jo\ jòng, lơh broă bal tơl ală bơta.

Bal mờ hơ\ là tơnguh broă lơh sa bal, pơgồp bal kuơ màng tàm broă brồ guh broă tơnguh bơtàu lơh sa mpồl bơtiàn.

Cau mblàng Ndong Brawl