VOV4.K’ho - Drim òr (11/10), tàm Hà Nội, Mpồl cau lơh broă sa Việt Nam bơyai lơh tơnkah 90 nam ngai crơng gơs mpồl, dờp Huân chương Hồ Chí Minh, Pơrjum dờng pơrlòng kờ` gơboh mờ dà lơgar dơ\ 5 tơngai bơh nam 2020 tus 2025 mờ pơn jờng cau atbồ mpồl jăk.

                           Thủ tướng Chính phủ ồng Nguyễn Xuân Phúc geh jơnau đơs tàm pơrjum

Tus pơrjum mờ geh jơnau đơs, Thủ tướng Chính phủ ồng Nguyễn Xuân Phúc, kuang đơng lam ală gah, bộ, gah lơh broă dà lơgar bal mờ 412 nă cau ala măt làng bol lơh broă sa, Mpồl cau lơh broă sa jăk tàm gùt lơgar tus pơrjum.

Đơs tus ală bơta tơlòng gơwèt mờ broă lơh sa suơn sre, [òn lơgar, làng bol lơh broă sa lơgar Việt Nam tàm broă tơnguh bơtàu tus do, Thủ tướng ồng Nguyễn Xuân Phúc sồr ală cấp, mpồl làng bol lơh broă sa pal pơn jăt tai tam gơl pa tơngu me, broă lơh, lơh jăt niam rơlao tai broă lam sồr, tam klăc bal làng bol lơh broă sa mùl màl gơs mpồl tòm pràn kăc màng, mpồl lơh sa, chính trị mpồl bơtiàn dờng màng mờ pràn kơl dang Đảng mờ Dà lơgar bal mờ làng bol tàm tơngai pa.

Cau mblàng Ndong Brawl