VOV4.K’ho - Drim òr (24/9), tàm kơnhoàl Cai Lậy, càr Tiền Giang, Thủ tướng ồng Nguyễn Xuân Phúc bal mờ mpồl kuang bàng lơh broă bơh Chính phủ neh tus sền broă lơh jăt ală broă sơndră, tam dră mờ trồ prang, gơmu\t dà hang lơh aniai tus mờ broă lơh sa suơn sre, tàm hơ\ geh tòm sầu riêng, do là bơta phan tam tòm ngan càr Tiền Giang dê.

                               Thủ tướng ồng Nguyễn Xuân Phúc còp broă tam tòm sầu riêng tàm càr Tiền Giang

Còp broă tam tòm sầu riêng bơh hìu ồng Mai Văn Âu, Thủ tướng chờ gờm làng bol lơh broă sa suơn sre tàm tơngai do neh geh tơnhào uă, geh priă tăc plai sầu riêng, cèng geh bơta kuơ dờng màng, mờ pơn jờng làng bol neh tam pà bal kỹ thuật tam nàng lơh sa bal, lơh pas bal.

Tàm bơta trồ prang, dà hang mu\t, Thủ tướng sồr gơnoar atbồ tàm do bal mờ gah lơh sa suơn sre pal lơh uă bơta phan tam ala mìng tơrgùm tàm dùl bơta phan tam sầu riêng. Bal mờ hơ\ là ngui khoa học công nghệ nàng tơnguh cồng nha, bơta niam tòm chi sa plai ờ di kàl, geh sơndră mờ trồ prang mờ geh bơta kuơ tàm broă lơh sa uă.

Cau mblàng Ndong Brawl