VOV4.K’ho –  Drim ngai 3/6, tàm Hà Nội, Thủ tướng Nguyễn Xuân Phúc, Kuang atbồ Mpồl đơng lam dà lơgar bè bơt bơtàu mờ bơtàu tơnguh công nghiệp sền gàr dà lơgar, sền gàr lơngap lơngai đơng lam Pơrjum sền sơwì cồng nha bơt bơtàu mờ bơtàu tơnguh công nghiệp sền gàr dà lơgar, sền gàr lơngap lơngai tàm tơngai lài, ai tơlik gùng dà, kơ nòl broă tàm tơngai tus.

Đơs pơn dut pơrjum, Thủ tướng Nguyễn Xuân Phúc đơs nền, bơt bơtàu mờ bơtàu tơnguh công nghiệp sền gàr dà lơgar, sền gàr lơngap lơngai là kơ nòl kươmàng geh pơrya jal mhar, là kơ nòl kươmàng jo\ jòng; là kơ nòl bơh gùt Đảng, gùt làng bol, gùt ling klàng dê mờ tờm ngan là Bộ Quốc phòng, Bộ Kuang àng.

Thủ tướng sồr pơn jat tai lơh sir mpồl lơh broă công nghiệp sền gàr dà lơgar bơh broă sền sơ wì jơh ală bơta, nền nòn, geh cồng nha, gàr niam pràn jak nàng lam lơh kơnòl ling klàng, sền gàr dà lơgar, ngui geh cồng nha ală cồng nha, gơguh jak khoa học công nghệ kươmàng tàm broă lơh kơ lôi sơ nơng, lơh gơlik bơta tam gơl mờ mòn gơs ală bơta phan geh bơta tam gơl pa bè khoa học công nghệ.

Cau mblàng K’Duẩn