VOV4.K’ho- Tềng đap broă gơlik geh kal ke bơh càl rbut dờng sồ 9 mờ đơs lài digơlan pràn tus kấp 12, pồt pràn kấp 13, drim 26/10, tàm Bộ Nông nghiệp mờ Phát triển Nông thôn, Thủ tướng Nguyễn Xuân Phúc neh đơng lam dơ\ pơrjum pờ tơlik tơn tàm internet mờ ală bộ, gah broă lơh mờ 2, 3 càr, [òn dờng tiah tàm gùl lơgar geh jơnau pơhìn càl rbut dờng lơh aniai, sồr lam lơh ală broă lơh rơcang sơndră càl rbut dờng.

Đơs tàm ală dơ\ pơrjum, Thủ tướng Nguyễn Xuân Phúc đơs loh, hoàc huơr bơh dơ\ càl rbut dờng, mìu dà ko\ dà cò pa do neh lơh 130 nă cau chơt mờ gam ờ hềt bơsong jơh jơnau gơ lời wơl sơl. Den tàng, gơ wèt mờ càl rbut dờng sồ 9 mờ bơta pồt pràn ngan, jơnau mờng chài ai geh bơh ală tiah dê là ntrờ` mhar làng bol tus anih ờ do ờ dă.

Thủ tướng sồr mpồl ling, kuang àng pal geh broă rơndap lơh dong kờl làng bol jơh bal lài mờ tu\ mờ tơ nơ\ tu\ càl rbut dờng lơh aniai mờ tơl bơta phan bơna, kờp bal rơndeh sơtăng halà rơndeh par duk nàng dong làng bol tu\ kuơmàng. Tàm tơngai geh càl rbut dờng, Thủ tướng sồr ală tiah geh càl rbut lơh aniai ba` bơyai lơh ală broă lơh, pơrjum ờ kuơmàng nàng tơrgùm tàm broă rơcang sơndră càl rbut dờng, dà ko\ dà cò lơh aniai.

Cau mblàng K’Duẩn