VOV4.K’ho- Di dơ\ tơngkah kir sơn rai 95 nam ngai Sră Ba\o Kăc mạng Việt Nam, Thủ tướng Chính phủ Nguyễn Xuân Phúc geh sră pơyoa tus mờ cau ala mat tus bal Pơrjum tìp mat, jờng rơ cau lơh ba\o jak chài đơs is mờ gùt mpồl kuang bàng, cau tàm mpồl Cau lơh Ba\o Việt Nam, ală cau lơh ba\o gùt lơgar đơs bal.

Thủ tướng jờng rơ uă ngan mờ đơs niam ngan ală bơta tă pơgồp dờng màng bơh ală rơnàng cau lơh ba\o dê tàm gùt lơgar tàm ală nam do; chờ gờm 7 nă cau lơh ba\o jo\ sơnam bal mờ mờr 200 nă cau lơh ba\o jak chài,  ala mat rlau 41 rơbô nă cau lơh ba\o tàm gùt lơgar he dê geh jờng rơ tàm dơ\ do.

Thủ tướng hòi jà sră ba\o Kăc mạng Việt Nam pal lơh ngan rềp mờ nùs nhơm chính trị, bơta đơng lam bơh Đảng, adat boh lam Dà lơgar dê, bơta gơlik geh tàm lơgar mờ tàm dunia nàng cih yal wơl dùl bă tơl làm, di mờ di tu\ bè rài kis mpồl bơtìan dà lơgar dê, drơng broă lơh Kăc mạng bơh Đảng bộ mờ làng bol dê.

Cau mblàng K’Hạnh