VOV4.K’ho – Di tơn jơh broă lơh drơng Pơrjum kuang bàng dờng màng Mỹ - Triều Tiên, wă rò Kuang atbồ lơgar Triều Tiên còp ngan ngồn lơgar Việt Nam mờ Kuang atbồ lơgar Mỹ còp lơgar Việt Nam, Thủ tướng Nguyễn Xuân Phúc neh geh sră pơyua jờng rơ kuang bàng, cau lơh broă mờ mpồl kuang đơng lam bồ Anih jơnau đơs Việt Nam bal mờ ờ uă anih yal tơnggit, bộ, gah lơh broă dà lơgar.

Tàm sră pơyoa, Thủ tướng đơs loh: Kuang bàng, cau lơh broă mờ mpồl kuang đơng lam bồ Anih jơnau đơs Việt Nam neh lơh ngan lơh niam kơ nòl gàr niam broă yal jơnau tơnggit di tu\, di ngan tus cau sền tàm lơgar mờ lơgar ndai, pơ gồp bơnah tàm cồng nha bal tàm broă Việt Nam bơyai lơh Pơrjum kuang bàng dờng màng Mỹ - Triều Tiên dơ\ 2 tàm Hà Nội.

Thủ tướng pin dờn là, tàm tơngai tus, Anih jơnau đơs Việt Nam pơn jat tai bơtàu tơnguh ală cồng nha neh lơh geh nàng pơ gồp bơnah lơh jơh kơ nòl dờng màng bơh Chính phủ dê tu\ lơh ală jơnau chính trị, cribơyai mờ lơgar ndai dunia dờng.

                                                                 Cau mblàng K’Duẩn