VOV4.K’ho- Ngai 4/8, ồng Nguyễn Xuân Phúc Thủ tướng Chính phủ neh geh sră pơyua jờng rơ ală cau lơh sơnơm, kuang bàng, cau lơh broă gah lơh sơnơm. Tàm pang sră pơyua geh gơl cih bè do: “Việt Nam neh mu\t tàm tu\ tơngai pa bơh kòp Covid-19 dê bal mờ bơta gơbàn kal ke, lơh bơtờp mhar tus uă tiah, tàm hơ\ geh ală tiah drà dờng, neh geh bàr pe nă cau lơh sơnơm gơtìp bơtờp kòp.

Ala măt Chính phủ, a` jờng rơ, cih dờng mờ jờng rơ ngan ală tă pơgồp dờng màng ngan, jơh nùs jơh tồr bơh ală cau lơh sơnơm kờ` gơboh bơh bol he dê tàm dơ\ tam dră mờ kòp Covid-19. A` kung ưn ngài sơl cau pròc mhàm, hìu bơnhă bơh ală cau lơh sơnơm mờ kuang bàng, cau lơh broă gah lơh sơnơm dê neh wa\ wờng, dùl nùs bal mờ tam pà bal ală kal ke, bơta lòng do, sùm là tiah bơh ngkời dong kờl kơ\ kơl jăp nàng ală cau ling àu bò in gơtùi iang nùs lơh gơs niam kơnòl broă.

A` hòi jà gah lơh sơ nơm, ală cau lơh sơnơm, cau lơh broă gah lơh sơnơm tàm làm gùt ù tiah dà lơgar pơn jăt tai đòm jăt ală nùs nhơm niam bơne\ ngan bơh cau lơh sơnơm dê sùm rcăng lài, jơh nùs jơh tồr, geh kơnòl mờ tơrgùm jơh bồ tơngoh, bơta pràn, nùs nhơm mờ bơta mờng chài nàng bal mờ jơh gùt Đảng, gùt làng bol tam dră jai pha mờ kòp dờng”.

Cau mblàng Lơ Mu K’Yến