VOV4.K’ho- Văn phòng Chính phủ pa geh công văn yal jơnau sồr lơh bơh ồng Nguyễn Xuân Phúc Thủ tướng Chính phủ dê bè broă sơndră wơl mờ jơnau digơlan gơlik geh bơh trồ tiah, mìu dà tih dà cò gơbàn nisơna. Ồng Nguyễn Xuân Phúc Thủ tướng Chính phủ sồr: Bộ Tài nguyên mờ Môi trường đơng lam mờ lam jăt sền niam bơta gơbàn bơh trồ tiah dê, yal lài, yal tơngkah lài, yal di tu\ mờ ală anih lơh broă geh gơnoar bal mờ làng bol in gi\t nàng drơng broă lơh đơng lam, sơndră wơl.

Mpồl đơng lam dà lơgar bè rcăng sơndră trồ tiah lơh aniai, Ủy ban Dà lơgar sơndră wơl mờ bơta gơbàn aniai ờ niam, trồ tiah lơh aniai mờ jòi dong kờl rềs àr đơng lam, kờp sền wơl gùng dà broă lơh sơndră wơl mờ ală jơnau digơlan trồ tiah lơh aniai, rcăng lài sơndră wơl tơrmù [à hoàc hươr bè kòn bơnus mờ phan bơna làng bol dê. Bộ Nông nghiệp mờ Phát triển Nông thôn sồr ngan ală bộ, gah sơnah lơh broă geh gơrềng mờ ală tiah lơh pràn broă lơh jăt broă lơh rcăng sơndră lài, sơndră wơl mờ bơsong jơnau gơlời wơl bơh trồ tiah lơh aniai mờ Broă rơndăp lơh lam lơh jăt Chỉ thị neh geh Thủ tướng Chính phủ ki\ ai ngui.

Cau mblàng Lơ Mu K’Yến