VOV4.K’ho - Thủ tướng đơs loh ờ di tài kal ke bè priă mờ pơn jăt tai lời gùng lòt mờ broă pơn diang phan gơbàn kal ke, bal mờ hơ\, lơh ngan geh 1 rơbô kơi sồ gùng rơndeh ntoăt jờl tàm tơngai lơh broă do. Kuang bàng đơng lam Bộ Giao thông Vận tải pal pờ bồ tơngoh kơlôi sơnơng kờ` lơh ngan hòi jà ală bơta pràn bơcri priă lơh gùng lòt. Do là jơnau sồr bơh Thủ tướng Nguyễn Xuân Phúc dê tào dơ\ lơh broă mờ kuang bàng đơng lam Bộ Giao thông Vận tải drim òr (16/3). Tơl^k go\ ală kal ke gah gùng lòt mờ pơn diang phan tu\ do dê, Thủ tướng sồr Bộ Giao thông Vận tải pal rơcang ai tơl^k cơ chế, ală Bộ ndai pal gờ` lơh wơl ha là sơbì ală thể chế lơh kal ke tus mờ broă bơcri priă lơh bal - cau 1 nă să lơh is. Bơdìh hơ\ tai, pal tơnguh bơta niam, kơl jăp broă lơh gùng. Thủ tướng jào ală Bộ tàm nhai tơnơ\ pal lơh gơs broă lơh wơl 6 Nghị định gơrềng bal tus gùng lòt mờ pơn diang phan mờ bơcri priă jăt broă lơh, lơh bal – cau 1 nă să lơh is, mờ lơh ngan kờ` lơh gùng ù gờl jăt gah dà lềng, tơnguh bơtàu gùng lòt tàm dà tàm lơgar, gùng lòt tàm [òn.

Cau cih mờ yal tơng^t Ndong Brawl