VOV4.K’ho – Mho òr, 17/4, đơs tàm pơrjum tơn jơh broă lơh rơcang sơndră trồ tiah lơh aniai – jòi dong kờl rềs àr nam 2016 mờ mut lơh kơnòl broă nam 2017, Thủ tướng Nguyễn Xuân Phúc sồr tềng đap bơta trồ tiah lơh aniai ờ niam mờ gơlik geh kal ke, pal sền gròi uă tus broă rơcang sơndră, kơnờm tàm làng bol mờ gơnoar atbồ tàm [òn lơgar. Nam lài, trồ tiah lơh aniai gơlik geh kal ke ngan, lơh 264 nă cau chơt mờ ờ jòi bàn; kờp jơh hoàc huơr bè lơh sa gơguh tus mờr 40 rbô tơmàn priă. Kờp du\ lài tàm nam do, trồ tiah lơh aniai digơlan ờ kal ke bè nam lài; mơya pơnjat tai gơlik geh nisơna. Đơs tờm Việt Nam là 1 tàm 5 lơgar gơtìp gơ rềng uă ngan bơh tam gơl trồ tiah, Thủ tướng sồr ală gah lơh broă, ală tiah pal mut lơh dùl ròt ală broă lơh nàng tơnguh jơnhua cồng nha broă rơcang sơndră trồ tiah lơh aniai, tàm hơ\ sền gròi tơnguh jơnhua bơta git wă làng bol in.

               Cau cih mờ yal tơnggit K’Duẩn