VOV4.K’ho- Mho ngai 5/11, tàm Hìu duh broă Chính phủ dê, ồng Nguyễn Xuân Phúc Thủ tướng Chính phủ đơng lam dơ\ pơrjum nàng iăt ală bộ, gah, anih lơh broă dà lơgar yal broă rơcăng ai Pơrjum Kấp kuang bàng dờng màng ASEAN dơ\ 37 in mờ ală dơ\ pơrjum kấp kuang bàng dờng màng geh gơrềng bal rơcăng lơh tàm poh tus.

 Tàm dơ\ pơrjum, jơnau yal bơh ală bộ, gah lơh broă dà lơgar dê pà go\, tus tu\ do, broă lơh rơcăng ai broă lơh broă mờ lơgar ndai dờng do neh jơh lơh, Việt Nam rơcăng bơyai lơh pơrjum kấp kuang bàng dờng màng ASEAN dơ\ 37 mờ ală pơrjum kấp kuang bàng dờng màng geh gơrềng bal in dùl bă wil tơl, gàr niam bơta lơngăp lơngai, ờdo ờdă.

Đơs tàm dơ\ pơrjum, Thủ tướng đơs loh, pơrjum dơ\ do bulah bơyai lơh jăt broă lơh pờ tơlik tơn tàm internet mơya Việt Nam pal lơh sir tơl kơnòl broă bơh Nam Chủ tịch ASEAN dê, bơyai lơh pơrjum yu\ rơyùm, tam klăc mờ tềm pềr. Pal tơnguh rlau tai bơngă pin dờn lơgar Việt Nam dê tàm muh mat dunia mờ ASEAN, ba` lời gơlik geh khăt dùl bơta ờ niam lơi.

Cau mblàng Lơ Mu K’Yến