VOV4.K’ho- Drim ngai 15/3, tàm hìu lơh broa Chính phủ, Thủ tướng Nguyễn Xuân Phúc tìp mat ală cau ala mat kes priă dong kờl bơsram Vừ A Dính mờ ală cau ala mat ală cau geh nùs nhơm niam lòt bal mờ kes priă tàm uă nam do. Tus tŭ do, kes priă neh jàu mờr 90 rbô bơnah priă dong kờl bơsram sùm pah nam ai kơnòm bơsram, cau bơsram dờng gơ wèt 54 jơi bơtiàn kòn cau oh mi, tàm hơ̆ geh bal kơnòm bơsram Việt Nam tàm Campuchia, Lào, Thái Lan, Cu Ba. Tàm tơngai lơh broă bơh kes priă dê 22 nam do, nam 2014 lơh tềl dùl nam kuơmàng gơ wèt tus mờ bơta crơng gơs bơh Mpồl “Tài Hoàng Sa- Trường Sa kờñ gơboh”, pơgồp bơnah tơrbŏ ală nùs nhơm niam, plai nùs wèt hờ sền gàr gơnoar tờm dờng màng bơh dà lơgar dê.

Đơs tàm dơ̆ tìp mat, Thủ tướng Nguyễn Xuân Phúc đơs nền, sền gròi tus rơnàng kơnòm să mờ sền gàr gơnoar tờm dà lơgar ndrờm là ală broă kuơmàng ngan bơh Đảng, dà lơgar mờ làng bol he dê. Tàm tơngai tus, Thủ tướng kơp kờñ kes priă pơnjat tai lơh broă geh cồng nha, geh kơnòl gơ wèt tus mờ mpồl bơtiàn, pơnjat tai là ală bơkàu niam tă pơgồp tàm suơn bơkàu niam bơh dà lơgar dê.

Cau mblàng K’Duẩn