VOV4.K’ho- Tàm hìu lơh broă Chính phủ, Thủ tướng Nguyễn Xuân Phúc tìp mat kuang đơng lam bồ Mpồl rơndap ù tiah bơtàu tơnguh tiah drà Việt Nam. Thủ tướng đơs, rlau 20 nam crơng gơs, mpồl rơndap ù tiah bơtàu tơnguh tiah drà Việt Nam neh geh ală broă lơh ngan ngồn, tus bal tă pơgồp jơnau đơs bè ală rơndap broă, ai tơlik gùng dà, broă lơh bơtàu tơnguh tiah drà, [òn lơgar dà lơgar, ală rơndap broă kơlôi sơnơng dờng bè rơndap ù tiah bơt bơtàu tiah càr lơgar Hà Nội, tiah [òn dờng Hồ Chí Minh, tiah ring dà dờng Cửu Long.

Tàm dơ\ tìp mat, Thủ tướng sồr mpồl pơn jat tai tă pơgồp tài bơta kuơ bal, song dơpă, geh cơng tàng khoa học mờ ngan ngồn ua\ nàng lơh bè lơi geh ală tiah drà niam, bơtàu tơnguh kơ\ kơljap. Pơn jat tai tơnguh cồng nha broă lơh cribơyai mpồl bơtìan tàm gah rơndap ù tiah bơt bơtàu, atbồ bơtàu tơnguh tiah drà, [òn lơgar dipal mờ tơngai bơtàu tơnguh pa tus nam 2030, broă rơndap lơh wèt sền tus nam 2045 bơh dà lơgar dê.

Cau mblàng K’Duẩn