VOV4.K’ho- Di dơ\ tơngkah kir sơnrai 73 nam Ngai Cau ling sồt să- Cau ling chơ\t màng tàm Hà Nội, ồng Nguyễn Xuân Phúc Thủ tướng Chính phủ neh tus bal dơ\ tìp măt mờ 300 nă Mè Việt Nam khin cha jak chài gùt lơgar.

Thủ tướng lùp còp cau ala măt ală Mè Việt Nam khin cha jak chài

Ồng Nguyễn Xuân Phúc Thủ tướng Chính phủ ki ngàm pơyua tus ală oh mi kuang bàng lơh broă kăc màng dờng sơnam, ală Mè Việt Nam khin cha jak chài, ală cau khin cha jak chài mpồl phàu crong làng bol, Cau khin cha jak chài lơh broă, ală oh mi là cau ling sồt să, cau ling kòp tê jê să, cau pròc mhàm cau ling chơ\t màng dê, cau geh màng mờ kăc màng tàm jơh gùt lơgar jơnau còp să đềt mềr, ală nùs nhơm jrô ơnàng mờ bơta gi\t ưn ngàn uă ngan rlau jơh.

Thủ tướng pà gi\t, 73 nam do, Đảng mờ Dà lơgar sùm sền gròi đơng lam, sồr lơh niam broă lơh cau ling sồt să, cau ling chơ\t màng, cau geh màng mờ kăc màng mờ lam lơh dơ\ hòi jà jơh gùt làng bol jơh nùs tus bal lơh ală srơh kis gi\t jơnau gi\t adat.

Cau mblàng Lơ Mu K’Yến