VOV4.K’ho- Drim ngai 16/8, Bộ Kuang àng bơyai lơh dơ\ tơngkah 75 nam Ngai bơhìan Kuang àng làng bol Việt Nam (19/8), 15 nam Ngai chờ gùt làng bol sền gàr bơta lơngap lơngai dà lơgar mờ dờp Huân chương Quân công khà 1. Thủ tướng Nguyễn Xuân Phúc tus bal mờ đơs tàm dơ\ tơngkah.

Thủ tướng đơs loh, tàm khat dùl bơta gơlik geh lơi, mpồl Kuang àng làng bol kung pal lơh jat niam kơnòl broă sền gàr Đảng, Dà lơgar, sền gàr rài xã hội chủ nghĩa, sền gàr bơta kơ\ kơl jap, bơta lơngap lơngai dà lơgar, bơta lơngap lơngai ờ do ờ dă gùt mpồl bơtìan, gàr niam ờ do ờ dă rài kis mờ bơta kuơ di pal làng bol dê, pơgồp bơnah uă ngan sền gàr bơta lơngap lơngai is, gơnoar tờm, tơl làm ù tiah dê, gàr kơ\ kơl jap chính trị - mpồl bơtìan.

Kuơ màng, Thủ tướng sồr mpồl Kuang àng sền gàr niam ngan rlau jơh bơta ờ do ờ dă ală jơnau kờ` tờm kuơ màng, ală broă lơh chính trị kuơ màng, tềng đap mat là tơr gùm sền gàr niam ngan rlau jơh bơta ờ do ờ dă pơrjum dờng Đảng ală kấp mờ Pơrjum dờng gùt lơgar dơ\ 13 bơh Đảng dê.

Cau mblàng K’ Hạnh