VOV4.K’ho- Di tơngkah 90 nam Ngai bơhìan Mặt trận dà lơgar Việt Nam, mho ngai 18/11, Thủ tướng Nguyễn Xuân Phúc neh tus bal Ngai chờ tam klac dờng gùt jơi bơtìan tàm thôn Phù Liễn, xã Hồng Phong, kơnhòal Nam Sách, càr Hải Dương. Đơs tàm ngai chờ, Thủ tướng nting bơr chờ gờm làng bol thôn Phù Liễn đơs is, càr Hải Dương đơs bal tàm tơngai lài neh tam klac bal, at tê bal lam càr bơtàu tơnguh pràn kơldang.

Thủ tướng kơp kờ` Mặt trận dà lơgar ală kấp tam gơl broă lơh, rềp mờ làng bol rlau nàng broă lơh mặt trận ngan ngồn là tơngu rơyas bơh “Jơnau đơs Đảng di mờ nùs nhơm làng bol, nàng mặt trận là anih tơrbo\ bal gùng dà, broă lơh tus mờ làng bol, là anih tam klac bal, tơrgùm dùl bơh srơh kac màng tàm tiah do dê, tơnguh bơta kơp kờ` kung bè tă pơgồp bơh tơl rơnàng làng bol dê, lam dà lơgar he bơtàu tơnguh.

Đơs mờ làng bol thôn Phù Liễn, xã Hồng Phong, Thủ tướng Nguyễn Xuân Phúc ai tơnggo\ bơta chờ hờp tu\ tus bal Ngai chờ tam klac dờng gùt jơi bơtìan tàm càr Hải Dương, ù tiah cau khin cha jak chài dê, geh bơta bơtàu tơnguh mhar tàm tơngai lài.

Cau mblàng K’Duẩn