VOV4.K’ho –  Mho ngai 7/8, tàm Hà Nội, Thủ tướng Nguyễn Xuân Phúc, Bí thư Mpồl kuang bàng đơng lam Đảng Chính phủ tus bal pơrjum ai jơnau đơs tă pơgồp bơh Mpồl kuang bàng đơng lam Đảng Chính phủ dê tàm jơnau rơcang cih jơnau yal chính trị pơrjum dơ\ 17 Đảng bộ [òn dờng Hà Nội, tơngai lơh broă bơh nam 2020 tus nam 2025.

Thủ tướng Nguyễn Xuân Phúc đơs tus gơnoar broă tờm ngan bè chính trị, hành chính dà lơgar, dùl tàm ală tiah drà dờng ngan rlau jơh gùt lơgar bè lơh sa, niam chài, khoa học, bơto bơsram, lơh broă dunia. Den tàng, Hà Nội sùm là tiah geh đòm jat gơ wèt tus mờ ală tiah tàm gùt lơgar bè tơl bơta, geh bal broă bơt bơtàu jơnau rơcang cih sră nggal yal pơrjum Đảng in.

Ring bal mờ kơnòl broă tờm ngan tơngai bơh nam 2020 tus nam 2025, Thủ tướng tơngkah, tàm broă rơndap ù tiah mờ gùt lơgar pal kờp sền, tam gơl broă rơndap ù tiah bal bơt bơtàu càr lơgar Hà Nội, rơndap ù tiah bơt bơtàu tiah càr lơgar, bơtàu tơnguh càr lơgar jat broă lơh mpồl đô thị bơsir, bơtàu tơnguh tiah drà tờm, tiah drà dà dờng Hồng, tiah đah tô dà lơgar mờ rơ wah bơt bơtàu 2, 3 tiah drà vệ tinh ring bal, tam gơl pa, tềm pềr, gơtùi sền gàr bơta niam chài hìu đam  Hà Nội dê.

Cau mblàng K’Duẩn