VOV4.K’ho- Drim ngai 25/12, tàm Hà Nội, ồng Nguyễn Xuân Phúc Thủ tướng Chính phủ tus bal Pơrjum dờng cau ala măt gùt lơgar dơ\ VIII, tơngai lơh broă bơh nam 2020- 2025, bơh Mpồl tam klăc ală Mpồl Khoa học mờ Kỹ thuật Việt Nam bal mờ tơngume: Tam klăc- bơceh pa- tam gơl pa mờ bơtàu tơnguh.

Ring bal mờ ală gùng dà broă lơh, kơnòl broă, jơnau kờ` bơh Mpồl tam klăc ală Mpồl Khoa học mờ Kỹ thuật Việt Nam dê tơngai lơh broă bơh nam 2020- 2025, ồng Nguyễn Xuân Phúc Thủ tướng Chính phủ sồr Mpồl tam klăc ală Mpồl Khoa học mờ Kỹ thuật Việt Nam pal rơcăng lài jơh nùs rlau tai tàm broă bơsram mờ lam lơh jăt ală jơnau sồr, gùng dà broă lơh bơh Đảng dê bè bơtàu tơnguh khoa học công nghệ, ngan là Kơrnoat Pơrjum dờng Đảng gùt lơgar dơ\ XIII.

Jơh nùs tus bal lơh jăt ală jơnau kờ` bơtàu tơnguh khoa học mờ công nghệ sơlơ bơtàu tơnguh pa rlau tai, tơnguh uă bơta niam mpồl cau lơh broă, gơhòi gơ jà ngui niam cau jak, sơlơ tam gơl pa bơceh pa, đòm jăt pràn kơldang bơh khoa học mờ công nghệ dê, ngan là đòm jăt ală cồng nha tam gơl bơh bơta yau gơ gơs bơta pa lơh sa mờ măy mok dơ\ 4, lơh gơlik bơta gơn kơnờm pa ai bơtàu tơnguh mhar mờ kơ\ kơl jăp bơh dà lơgar dê in.

Cau mblàng Lơ Mu K’Yến