VOV4.K’ho- Drim ngai 23/12, tàm Hà Nội, Thủ tướng Nguyễn Xuân Phúc tus bal pơrjum lam lơh broă lơh tư pháp nam 2021, gùng dà tơngai lơh broă bơh nam 2021 tus nam 2025. Đơs tàm pơrjum, Thủ tướng đơs niam gah tư pháp neh lơh jat jơnau đơng lam bơh Thủ tướng dê bơh bồ tơngai lơh broă bè gùng dà đơng lam, pơlam bơh Chính phủ dê jat broă rơndap lơh tam gơl ua\ bơh jơnau sồr hành chính gơs Chính phủ bơt bơtàu mờ drơng lơh, tơrgùm rlau tai tàm broă lơh thể chế.

Bè kơnòl broă tàm tơngai tus, Thủ tướng sồr Bộ Tư pháp tàm tơngai mut gơ rờm bal, pal pơlam lơh jat tàm gah tư pháp, hơ\ là gàr niam dùl rài lơh sa lơh tờm is, dùl Đảng Cộng sản đơng lam bồ. Adat boh lam pal lơh jat kơrnuat, gùng dà đơng lam bơh Đảng, Nghị quyết bơh pơrjum dờng Đảng gùt lơgar dơ\ 13. Mờ broă lơgar he neh tus bal 14 Hiệp định kă bro rài pa, Thủ tướng tơngkah gah tư pháp pal kơ lôi sơ nơng nàng ală jơnau cih adat boh lam ờ kơryan broă mut gơ rờm bal. Gah tư pháp pal yal tơnggit, bơ to pơlam ală jơnau cih, jơnau hơ pơrgon dunia mờ lơgar he tus bal tus mờ mpồl lơh sa kă bro mờ làng bol.

Cau mblàng K’Duẩn