VOV4.K’ho- Drim òr 8/7, tàm hìu lơh broă Bộ Quốc phòng, Thủ tướng Nguyễn Xuân Phúc tus bal mờ đơs tàm dơ\ pơrjum Quân chính gùt ling klàng 6 nhai bồ nam 2019.

Jat jơnau yal tàm pơrjum, 6 nhai bồ nam, Quân ủy dà lơgar, Bộ Quốc phòng neh sồr lơh jat gùt mpồl ling lơh làm tơl ală kơnòl, tàm hơ\, tơrgùm lơh sơr băc mhar lơh jat ală kơnòl tờm, lơh geh bơta tam gơl uă ngan tàm ală gah broă.

Đơs tàm dơ\ pơrjum, Thủ tướng đơs ngan bàr pe tơngume pal tơrgùm lơh jat tàm tơngai tus, bè: tơrgùm sồr lơh jat, đơs di pal, yal lài di mờ ală broă gơlik geh, rcang cribơyai mờ Đảng, Dà lơgar geh gùng dà broă lơh bơsong jai pha ală jơnau gơlik geh, ờ lời gơtìp rơmơ\p ndơl, nisơna, ngan là tàm ală gah broă kuơ màng, ù tiah kuơ màng, pin dờn Ling klàng làng bol Việt Nam geh pơn jat tai lơh jat jai pha tơl kơnòl geh jàu, di pal mờ bơta pin dờn bơh Đảng, Dà lơgar mờ làng bol dê.

Cau mblàng K’ Hạnh