VOV4.K’ho- Mho ngai 3/10, ồng Nguyễn Xuân Phúc Thủ tướng Chính phủ, neh tus bal dơ\ tơngkah kir sơn rai 75 nam ngai bơhìan gah lơh broă yal tơng^t lài lài trồ tiah dà ia Việt Nam mờ dờp Huân Chương Hồ Chí Minh dơ\ 2.

Đơs tàm dơ\ tơngkah, Thủ tướng đơs loh, tài bơh ù tiah lơgar he dê bơh g^t nđờ rơbô nam lài do, ồng pàng bol he dê sền dờng màng ngan broă lơh jai mờ gơ dờp mờ ală bơta tơngo\ trồ tiah dê, trồ tiah bơh brê bơnơm geh is dê nàng sền gròi, drơng broă lơh sa mờ tàm rài kis.

Thủ tướng jàu Huân chương Hồ Chí Minh pà Tổng cục Yal tơngit lài trồ tiah dà ia

Thủ tướng đơs ngan, yal tơng^t lài niam neh cèng wơl bơta kuơ dờng ngan ai làng bol in. Pơn jat tai ngui niam bơhìan niam bơne\ tàm 75 nam do, gah lơh broă yal tơng^t lài trồ tiah dà iă sùm pal lơh niam kơnòl broă jat sền, sền gròi tơl bơta gơlik geh trồ tiah dê tàm gùt lơgar. Pal tơrgùm tơnguh uă bơta niam broă yal tơng^t lài, yal tơng^t lài uă rlau tai, ngan là ală bơta tềl tơngo\ trồ tiah dà ia dê gơbàn ngòt rơngơ\t tàm tiah ù gờl mờ jơh bal tàm dà lềng dờng ơnàng bơh Dà lơgar dê nàng drơng broă bơtàu tơnguh lơh sa- mpồl bơtìan, gàr niam broă sền gàr dà lơgar, bơta lơngap lơngai, kuơ màng ngan là kơnòl broă sền gàr gơnoar tờm ù tiah kơnhoàl dà lơgar dê.

Cau mblàng K’ Hạnh