VOV4.K’ho - Drim òr (13/7), Thủ tướng Chính phủ ồng Nguyễn Xuân Phúc tus pơrjum tơnkah 70 nam ngai bơhiàn mpồl ơruh pơnu lam lài Việt Nam mờ pơn jờng cau geh pơnrơ jăk ơruh pơnu lơh broă lam lài ală rài.

Broă lơh do geh Đoàn ơruh pơnu Cộng sản Hồ Chí Minh, Mpồl ơruh pơnu lơh broă lam lài, lài do lơgar Việt Nam dê pơgồp bal bơyai lơh.

Đơs tàm pơrjum, Thủ tướng ồng Nguyễn Xuân Phúc đơs tòm, rài kăc màng dà lơgar he neh ai tềl tơngo\ bè dùl rơnàng ơruh pơnu lơh broă lam lài sùm lơh jăt nùs nhơm kờ` gơboh mờ dà lơgar, ờ ngòt glar bòl, kòl jan kal ke, tu\ lơi kung rơcang phi să tài broă tơnklàs dà lơgar.

Tơnơ\ mờ 70 nam, mpồl ơruh pơnu lơh broă lam lài neh dờng pràn sùm, tơl^k bơta pràn mờ bồ tơngoh ngăc ngar “tờ bơnơm, bồr dà lềng” bơh rơnàng ơruh pơnu lơgar Việt Nam dê tàm broă tam lơh tơnklàs dà lơgar mờ bơ\t bơtàu dà lơgar.

Thủ tướng sồr Đoàn ơruh pơnu Cộng sản Hồ Chí Minh bal mờ mpồl ơruh pơnu lơh broă lam lài, lài do lơgar Việt Nam dê bal mờ ală cấp, ală gah lơh broă drơng gàr rài kis ai ơruh pơnu lơh broă lam lài, lài do in; tơnguh cồng nha broă lơh bơh ơruh pơnu lơh broă lam lài tàm rài pa.

Cau mblàng Ndong Brawl