VOV4.K’ho – Mho ngai 16/9, tàm hìu lơh broă Chính phủ, Thủ tướng Nguyễn Xuân Phúc neh wă Đại sứ Hà Lan, Bỉ bal mờ ală cau bơcri pria\ bơh Mpồl tam klac châu Âu (EU) dê gam geh bơta kơp kờ` bơcri pria\ tàm rơndap broă lơh logistic anih ơhò ơm tàm dà lềng kờp pria\ mờr 1 tơmàn dolar Mỹ tàm lơgar Việt Nam.

Ai tơnggo\ bơta chờ hờp wă 2 nă Đại sứ Bỉ mờ Hà Lan bal mờ ală cau bơcri pria\ lơgar ndai kờ` bơcri pria\ tàm lơgar Việt Nam, Thủ tướng đơs là, bơta do ai go\ git gơp đah Việt Nam – Bỉ, Việt Nam – Hà Lan neh mờ gam geh ală bơtàu tơnguh niam ngan bè tơl bơta. Bulah bè hơ\, cồng nha do gam lơyah pơn drờm mờ bơta pràn bơh 2 gah dê, ngan là tu\ Hiệp định EVFTA pa geh lơh jat.

Thủ tướng kơp kờ` bơh đại sứ, 2 lơgar Bỉ mờ Hà Lan geh dong kờl Việt Nam tơnguh pràn jak lơh jat geh cồng nha EVFTA, mblàng yal ua\ tus ală tiah mờ mpồl lơh sa kă bro EU bè Hiệp định. Chính phủ Việt Nam sùm ai bơta niam ală cau bơcri pria\, mpồl lơh sa kă bro dờng lơgar ndai (ngan là EU) geh bơta pràn, geh pràn jak công nghệ kă bro mờ bơcri pria\ tàm lơgar Việt Nam.

Cau mblàng K’Duẩn