VOV4.K’ho - Mho òr (13/6), tàm hìu lơh broă Chính phủ, Thủ tướng Nguyễn Xuân Phúc wă Bộ trưởng Ngoại giao Australia, mò Marise Payne. Tàm dơ\ wă, Thủ tướng kơp kờ` Australia ờ mìng dong kờl priă ODA ai lơgar Việt Nam in mờ gam tơr gùm tàm broă dong kờl tơnguh pràn jak, ngan là pràn jak đơng pơlam mờ ală mờng chài tàm broă đơng lam rài lơh sa tàm dơ\ kac màng công nghiệp dơ\ 4 mờ Chính phủ điện tử. Mơkung kơp kờ` Australia pơn jat tai dong kờl mờ pơgồp bal jơh nùs tàm tơngai tus, ngan là tơngai Việt Nam lơh gơnoar broă Ủy viên ờ lơh broă sùm Hội đồng Bảo an Liên Hợp Quốc tơngai bơh nam 2019 tus nam 2020 mờ Chủ tịch ASEAN nam 2020, tàm hơ\ geh broă bơyai lơh pơrjum dờng màng ASEAN-Australia tàm nam 2020.

Thủ tướng Nguyễn Xuân Phúc wă Bộ trưởng Ngoại giao Australia, mò Marise Payne

Bộ trưởng Ngoại giao Australia đơs tờm, geh pơn jat tai lơh ngan sơlơ chồl pràn git gơp lơh broă bal đah 2 lơgar; rơcang dong Việt Nam tàm broă lam lơh ală broă lơh lài ngan bơtàu tơnguh he dê bè phan bơna, pràn jak kỹ thuật số, ngap lơngai tàm internet; pơn jat tai lơh broă bal jơh nùs mờ lơgar Việt Nam tàm broă dà lềng đah mattơngai lik nàng dong tiah do geh ring lơngai, kơ\ kơljap mờ pas sơm.

Cau mblàng K’Duẩn