VOV4.K’ho – Drim òr (13/6), tàm hìu lơh broă Chính phủ, Thủ tướng Nguyễn Xuân Phúc wă ồng Kim Hack Yong, Chủ tịch Mpồl Nghị sĩ lơh bơyô Hàn Quốc - Việt Nam tàm dơ\ lòt còp mờ lơh broă tàm lơgar he.

Thủ tướng đơs loh git gơp 2 lơgar gam bơtàu tơnguh pràn kơldang, geh cồng nha tàm uă gah. Việt Nam đơs niam gơnoar broă kuơ màng bơh ală nghị sĩ gơwèt Mpồl Nghị sĩ lơh bơyô Hàn Quốc - Việt Nam mờ Việt Nam – Hàn Quốc dê.

Thủ tướng sồr 2 gah lơh ngan uă rlau tai, tă pơgồp jơh pràn tàm broă bơt bơtàu, bơtàu tơnguh git gơp đah Việt Nam mờ Hàn Quốc, lài ngan lơh ngan tơnguh priă geh bơh kă bro đah 2 lơgar tus 100 tơmàn Dolar Mỹ tàm nam 2020; tam pà bal, lơh broă bal mờ gơp tàm uă gah mờ 2 lơgar geh bơta pràn.

Cau mblàng K’Duẩn