VOV4.K’ho - Mho ngai 06 nhai 11, tàm hìu lơh broă Chính phủ, Thủ tướng ồng Nguyễn Xuân Phúc neh wă Đại sứ lơgar Nga ồng Konstantin Vnukov bal mờ ồng Leonid Mikhelson, Chủ tịch Tập đoàn Novatek.

                                            Thủ tướng wă Đại sứ lơgar Nga tàm lơgar Việt Nam

Thủ tướng ồng Nguyễn Xuân Phúc đơs tòm, lơgar Việt Nam mờ lơgar Nga là bàr lơgar lơh broă bal jo\ jòng tơl ală bơta, lơh broă bal mờ lơgar Nga là dùl broă lơh bal lài ngan jo\ jòng lơgar Việt Nam dê.

Đơs bè broă lơh bal bơh bàr lơgar gam ờ hềt di pal mờ bơta geh, Thủ tướng sồr Đại sứ lơgar Nga mờ Tập đoàn Novatek là anih tòm tơrbo\ bal nàng ai ală mpồl lơh sa kă bro lơgar Nga tus lơgar Việt Nam uă rơlao, ờ mìng bơcri priă tàm gah lơh năng lượng mờ uă gah broă ndai.

Tàm tơngai tus, uă mpồl lơh broă geh bơngă pin dờn tàm dunia ndrờm yal lài broă lơh sa lơgar Việt Nam geh gơguh uă mờ broă kờ` năng lượng uă ngan. Bơta do pờ geh dùl bơta niam ai ală mpồl lơh sa kă bro lơgar Nga mờ dunia in.

Cau mblàng Ndong Brawl