VOV4.K’ho- Mho ngai 18/3, tàm Hìu duh broă Chính phủ dê, ồng Nguyễn Xuân Phúc Thủ tướng Chính phủ wă Mpồl Bơtàu tơnguh lơh broă bal lơh sa Việt Nam mờ ASEAN. Tàm dơ̆ tìp măt, ala măt ală mpồl lơh sa kă bro gơwèt Mpồl Bơtàu tơnguh lơh broă bal lơh sa Việt Nam mờ ASEAN tơlik nùs nhơm ưn ngài bơta sền gròi, dong kờl bơh Chính phủ, ală bộ, gah mờ ală tiah dê tàm tơngai do; jờng rơ ngan broă Chính phủ neh gròi sền jai kòp Covid-19, kơnờm bè hơ̆ mờ gàr geh broă lơh sa, kă bro kơ̆ kơl jăp tàm tơngai tŭ do.

Thủ tướng đơs nền, Đảng, Dà lơgar sùm ai tơl bơta ai làng bol mờ mpồl lơh sa kă bro in bơtàu tơnguh, hồ tă pràn lơh sa, sền gàr gơnoar kuơ dipal ngan bơh làng bol mờ mpồl lơh sa kă bro dê. Thủ tướng kơ̆p kờñ, ală mpồl lơh sa kă bro đơs bal, ală Mpồl Bơtàu tơnguh lơh broă bal lơh sa Việt Nam mờ ASEAN đơs is, sền dờng màng bơtàu tơnguh tơlir, kă bro song dơ pă, ngan ngồn, sền gàr tiah ơm kis; tam dră mờ bơta sa kuề sa kuà, bơta ờ niam.

Cau mblàng Lơ Mu K’Yến