VOV4.K’ho- Mho ngai, 20/10, tàm hìu lơh broă Chính phủ, ồng Nguyễn Xuân Phúc Thủ tướng Chính phủ neh wă ồng Lee Jae Young, Phó Chủ tịch Tập đoàn Samsung, cau bơcri priă lam lài tàm Việt Nam. Thủ tướng pà g^t, Việt Nam sền gròi niam kòp Covid-19, là lơgar mìng dùl lơm tàm mpồl ASEAN gơguh lơh sa dương tàm nam do mờ digơlan ơm dơ\ 4 tàm mpồl ASEAN bè broă lơh sa. Tu\ do, khà lơh sa tàm lơgar bơh Samsung dê neh sùm gơguh. Thủ tướng sồr Tập đoàn pơn jat tai dong ală mpồl lơh sa kă bro dong kờl Việt Nam tus bal jrô rlau tai tàm ală anih tăc phan bơh Samsung dê mờ ală broă lơh kơlôi sơnơng mờ bơtàu tơnguh tàm Việt Nam.

Geh g^t, Tập đoàn gam sac rơ wah tiah nàng bơcri priă lơh rơndap broă lơh công nghệ cao, Thủ tướng đơs nền, Việt Nam tu\ lơi kung kờ`, ai tơl bơta buơn ngan rlau jơh ai Samsung in nàng bơcri priă lơh rơndap broă lơh do. Thủ tướng đơs loh, Chính phủ Việt Nam geh pơn jat tai sùm lòt bal mờ Tập đoàn tàm broă lơh lơh broă bal, bơcri priă lơh sa kă bro jo\ jòng tàm Việt Nam mờ nùs nhơm 2 gah “ geh cồng nha bal”.

Cau mblàng K’ Hạnh