VOV4.K’ho- Kung gơ ơm tàm dơ\ lòt còp ngan ngồn mờ lơh broă tàm lơgar Đức sơl di\ dơ\ lòt Pơrjum Kuang bàng dờng màng G 20, mho òr 6/7, ồng Nguyễn Xuân Phúc, Thủ tướng Chính phủ Việt Nam neh wa\ rò Bộ trưởng Kinh tế mờ Năng lượng lơgar Đức, mò Brigitte Zypries.

Thủ tướng Nguyễn Xuân Phúc wa\ rò mò Brigitte Zypries, Bộ trưởng Kinh tế mờ năng lượng lơgar Đức

Ồng Nguyễn Xuân Phúc jờng rơ broă ală mpồl lơh sa kă bro dờng lơgar Đức dê gam bơcri priă lơh sa kă bro geh cồng nha tàm lơgar Việt Nam, mơya Thủ tướng kung đơs là, bơcri priă bơh lơgar Đức dê tàm lơgar Việt Nam tu\ do mìng gơ ơm tàm khà 1 tơmàn 400 tơlak dolar Mỹ, kung mìng là dùl êt ngan pơndrờm mờ bơta pràn jak.

Kờ`  sơlơ gơhòi gơ jà bơcri priă bơh ală mpồl lơh sa kă bro di mờ mờ dềt bơh lơgar Đức dê tàm lơgar Việt Nam, kuơmàng tàm ală broă geh bơta pràn bơh lơgar Đức dê bè công nghiệp dong kờl, công nghiệp phan sa, sơnơm tơm ba, phan ngui lơh sơnơm, nhơl chờ, bơto broă lơh, năng lượng lơh geh wơl, bàr gah dùl nùs bal kờ` pal lơh pràn broă ai ală kuang bàng Bộ, gah lơh broă, ngan là ală mpồl lơh sa kă bro tus bal tàm ală dơ\ lơh drà, ràng tơlik phan bơna kă bro, drơng broă bơh bal mờ gơ\p dê.

Cau cih mờ yal tơngi\t- Lơ Mu K’Yến