VOV4.K’ho- Mho ngai 3/12, tàm Hìu duh broă Chính phủ dê, ồng Nguyễn Xuân Phúc Thủ tướng Chính phủ wa\ ồng Roongrote Rangsiyopash, Kuang ătbồ mơkung là Kuang ătbồ đơng lam Tập đoàn Siam Cement Group (SCG, Thái Lan), mpồl lơh sa kă bro bơcri priă tàm rơndăp broă lơh Mpồl Lơh zờu tiah đah jum dà lơgar.

Đơs tàm dơ\ wa\ rò, ồng Nguyễn Xuân Phúc Thủ tướng Chính phủ đơs loh, Việt Nam mờ Thái Lan là lơgar lơh broă bal jo\ jòng; tàm ală lơgar ASEAN, 2 lơgar kung là ală lơgar lơh broă bal dờng, lơh broă bal kơ\ kơl jăp. Thái Lan geh uă rơndăp broă lơh bơcri priă geh cồng nha tàm Việt Nam.

Bè rơndăp broă lơh Mpồl lơh zờu tiah đah jum dà lơgar (Long Sơn Petrochemicals- LSP) mờ SCG bơcri, gam geh lơh tàm càr Bà Rịa- Vũng Tàu, Thủ tướng đơs, ală rơndăp broă lơh geh lơh dờng bè do geh bơta kuơ dờng ngan gơ wèt mờ Việt Nam tàm bơtàu tơnguh lơh sa- mpồl bơtiàn; mơkung gờm chờ mờ jờng rơ ngan ală broă lơh kă bro geh cồng nha bơh Tập đoàn SCG dê tàm Việt Nam.

Cau mblàng Lơ Mu K’Yến