VOV4.K’ho- Mho ngai 17/02, tàm Văn phòng Chính phủ, Thủ tướng Nguyễn Xuân Phúc đơng lam pơrjum Thường trực Chính phủ bè broă bơyai lơh sa tềp bơhìan yau Tân Sửu 2021. Thủ tướng đơs niam mờ jờng rơ ală tiah, bộ, gah broă lơh neh lơh niam broă bơyai lơh, sền gròi sa tềp làng bol in, nàng hìu bơnhă lơi kung geh wă rò sa tềp tàm tơngai gơtìp kòp bơ tờp.

Di dơ\ pơrjum do, sồr ală anih lơh broă, bộ, gah broă lơh, mpồl lơh broă chính trị geh tơl  bơta lơh ngan, nùs nhơm lơh broă mờ bơta brồ guh dờng pràn rlau mờ tu\ lơi jơh lam lơh jat kơ nòl broă geh jàu, Thủ tướng đơs 5 bơta tam pà ring bal dờng bơh dà lơgar dê, kung là tơrgùm bal bơh bơta tam pà ring bal “jơnau đơs Đảng, nùs nhơm làng bol”, ngan là tàm 6 nhai bồ nam 2021, tàm jơh gùt nam 2021 mờ ờ mìng bè hơ\ lơm ờ, mờ gam jo\ jòng tàm broă rơndap lơh 5 nam…

Thủ tướng kung đơng lam ală bộ, gah broă lơh, ală tiah lam lơh jat niam kơ nòl broă geh jàu, tàm hơ\ geh 2, 3 broă bè sền gròi lơh sa sươn sre, gàr tơl dà [ồm, sền gròi rơ wah cau lòt ling, lam lơh sa tềp tam chi… Ală anih yal tơnggit pơn jờng làng bol, mpồl lơh sa kă bro chồl pràn lơh sa kă bro, blơi mờ tac phan hờ lơgar ndai mơya pal sền gròi tus broă rơcang sơndră kòp bơ tờp geh cồng nha.

Kờp tus ngai 16/02, ală tiah neh tă mờr 5 rbô 560 tơmàn đong nàng sền gròi rài kis ai ală cau geh sră dong kờl bơh dà lơgar, cau lơh broă in tàm dơ\ sa tềp. Chủ tịch lơgar kung neh pà phan ai 1 tơlak 730 rbô nă cau geh màng mờ dà lơgar in, kờp jơh pria\ phan pà 538 tơmàn đong.

Cau mblàng K’Duẩn