VOV4.K’ho- Ngai 2/11, pơrjum dơ\ 10, Quốc hội khoá 14 mu\t tàm dơ\ pơrjum dơ\ 2 tàm càr lơgar Hà Nội. Tàm dơ\ sơnđờm mu\t pơrjum, ồng Nguyễn Xuân Phúc Thủ tướng Chính phủ neh yal mờ Quốc hội, làng bol mờ cau te\ khà tàm gùt lơgar in bè broă bơtàu tơnguh lơh sa- mpồl bơtiàn nam 2020 mờ tơngai 5 nam bơh nam 2016- 2020, bal mờ rơcăng broă rơndăp lơh nam 2021 mờ gùng dà, kơnòl broă tàm 5 nam tus bơh nam 2021- 2025.

Tàm nam 2021 mờ ală nam sơnrờp bơh tơngai bơh nam 2021- 2025, Việt Nam pal pơn jăt tai tơrgùm lơh jăt “jơnau kờ` dơ\ le\ bal”. Lơh ngan tus nam 2025, Việt Nam là lơgar gam bơtàu tơnguh geh broă lơh sa mờ măy mok jăt gùng dà jak chài rài pa tu\ do dê sơrlèt gan khà priă lơh geh di mờ lơyah.

Nàng lơh geh ală broă jàu do, Thủ tướng Chính phủ yal mờ Quốc hội 10 kơnòl broă mờ broă lơh tờm, tàm hơ\ kơnòl broă bơh sơnrờp là pơn jăt tai lơh kơ\ kơl jăp bơta bè ờs wơl pa, sền broă gàr niam ờdo ờdă mờ kòp bơtờp là bơnàng jă nàng bơtàu tơnguh lơh sa- mpồl bơtiàn; mơkung sền dờng màng lơh mhar kơlôi sơnơng, lơh broă bal mờ dunia tàm broă kơlôi sơnơng mờ lơh gơlik sơnơm vaccine mờ geh broă lơh nàng làng bol in geh blơi, ngui sơnơm vaccine rcăng sơndră kòp gờ` ngan rlau jơh.

Cau mblàng Lơ Mu K’Yến