VOV4.K’ho- Rơcang tus dơ\ pơrjum dờng Đảng gùt lơgar dơ\ 13 geh lơh bơh ngai 25/1 do, drim ngai 22/1, ồng Trần Quốc Vượng, Ủy viên Bộ Chính trị, Thường trực Ban Bí thư lam bồ mpồl kuang bàng lòt sền dơ\ pơlam tàp drơng pơrjum dờng dơ\ 13 mờ đơng lam pơrjum ai mờng chài.

Lơh jat broă rơndap lơh bơh Tiểu ban bơyai drơng broă pơrjum dờng dơ\ 13, di 6 jơ 30 phuk drim, dơ\ pơlam tàp neh sơn đờm mờ bơnah broă jun, rò ală kuang bàng bơh hìu nac tus gơlang [ồc Bác Hồ, bơyai lơh mut ies còp gơlang [ồc Bác Hồ, chu `àng tàm rùp mòn kah kơ lôi ală cau ling khin cha jak chài chơt màng mờ rò kuang bàng bơh Gơlang [ồc Bác Hồ tus tiah tờm pơrjum dà lơgar.

Đơs tàm dơ\ pơrjum ai mờng chài mờ đơs nền bơta kuơmàng bơh broă gàr niam pơrjum dờng dơ\ 13 geh lơh ờ do ờ dă mờ geh cồng nha, ồng Trần Quốc Vượng sồr pơn jat tai lơh sir ală rơndap broă, bơsong ală broă gơlik geh nàng pơrjum dờng geh lơh di mờ jơnau kờ`, broă rơndap lơh tu\ pơrjum dờng ngan ngồn geh lơh bơh ngai 25/1 do.

Cau mblàng K’Duẩn