VOV4.K’ho - Tàm pơrjum geh bơyai lơh drim òr (04/6) tàm Hà Nội, Thường trực Mpồl đơng lam dà lơgar rơcang sơndră mờ kòp Covid-19 neh cri bơyai bè bơta kòp gơtòp tàm dunia, bơh tu\ hơ\ geh ai gùng dà broă rò ală cau lơgar Việt Nam gam gơtìp kòl tàm ờ uă lơgar.

Mpồl đơng lam bal mờ ală cau jăk chài đơs, bơta kòp gơtòp Covid-19 tàm lơgar neh geh sền gròi niam.

Mờr 50 ngai do, lơgar Việt Nam ờ geh dờp cau lơi gơtòp pa tàm mpồl bơtiàn. Mơya, tàm dunia, kòp gơtòp ờ hềt tơngo\ tơn jơh. Geh ờ uă bộ, gah lơh broă dà lơgar dan bơ\t bơtàu wơl rơndăp broă rò làng bol tàm tơngai pa mờ kơlôi tus gùng dà broă rò tàm tiah tòm lài tu\ ală dơ\ par tus tơn ờ hềt geh ai tơrbo\ lơh.

Phó Thủ tướng ồng Vũ Đức Đam đơs, pơn jăt tai bơto pơlam làng bol lơgar Việt Nam tàm lơgar bơdìh niam ngan là ơm dùl bă, mìng geh dong kờl rê hờ lơgar ală cau neh jơh tơngai lơh broă, cau lơh broă gam gơtìp kòl; pơn jăt tai sền wơl broă tam gơl broă rò cau lơgar Việt Nam rê hờ lơgar tòm, kơnòm bơsram, cau bơsram dờng gam bơsram den ơm tơn ba` rê.

Ală cau jăk chài gah lơh sa lòt lơh broă, lòt nhơl, còp cau hìu nhă gơtìp kòl jo\ ngai den ai lài rê hờ lơgar tòm…

Cau mblàng Ndong Brawl