VOV4.K’ho- Mho ngai 30/7, tàm [òn dờng Buôn Ma Thuột, càr Daklak, Mpồl đơng lam Tây Nguyên bơyai lơh dơ\ yal Kơrnoat bơh Gah Gùng dră bal dà lơgar dê jàu ồng Tô Lâm, Kuang geh jơng Gah Gùng dră bal dà lơgar mơkung là Kuang atbồ Gah Kuang àng dà lơgar at gơnoar broă Kuang atbồ Mpồl đơng lam Tây Nguyên. Đơs tàm dơ\ bơyai lơh, ala mat kuang bàng đơng lam Đảng, Dà lơgar, ồng Trần Đại Quang, Kuang atbồ lơgar đơs tờm: broă Thượng tướng Tô Lâm, Kuang geh jơng Gah Gùng dră bal dà lơgar, Kuang atbồ Gah Kuang àng dà lơgar geh Gah Gùng dră bal dà lơgar jàu at gơnoar broă Kuang atbồ Mpồl đơng lam Tây Nguyên- là ù tiah geh gơnoar broă dờng màng ngan bè lơh sa- mpồl bơtiàn, sền gàr dà lơgar, lơngăp lơngai mờ tiah ơm kis ù tiah brê bơnơm geh is bơh dà lơgar dê, tơngo\ bơta pin dờn mờ kơ\p kơnờm bơh Đảng, Dà lơgar mờ làng bol dê. Ồng Trần Đại Quang pin dờn Thượng tướng Tô Lâm geh ngui bơta pràn jak, nùs nhơm niam mờ bồ tơngoh jak bơh he dê lơh gơs jak ngan kơnòl broă; lơh ngan bơ\t bơtàu Tây Nguyên gơ gơs là tiah lơh sa dờng màng bơh dà lơgar dê.

Kung tàm mho ngai 30/7, Mpồl đơng lam Tây Nguyên bơyai lơh pơrjum sền wơl broă lơh 6 nhai bồ nam mờ mu\t lơh kơnòl broă 6 nhai lồi nam. Mpồl đơng lam Tây Nguyên gi\t, tơngai tus kờn pal tơrgùm lơh jat jơnau đơs du\t ndơl bơh Kuang gơs gơnăp gơnoar atbồ hơđang rlau jơh dà lơgar bè bơtàu tơnguh lơh sa- mpồl bơtiàn, sền gàr niam dà lơgar- bơta lơngăp lơngai mờ bơtàu tơnguh brê kơ\ kơl jăp.

Cau cih mờ yal tơngi\t- Lơ Mu K’ Yến