VOV4.K’ho – Tơnơ\ uă ngai mìu sùm, ngai òr 15/8, ală càr tàm tiah đah Tô mat tơngai Mu\t dà lơgar neh ờ huan geh mìu tai, bàr pe tiah bè Yên Bái, Điện Biên neh geh tơngai. Ală tiah gam bơsong jơnau gơlời wơl bơh mìu nhàc dà ko\ dà cò lơh aniai. Tàm Sơn La, càr gơtìp aniai uă ngan rlau jơh bè phan tam mờ hìu đam, ală mpồl cau neh mhar dong làng bol ntrờn phan bơna, phan sa lik dô bơh tiah gơbam dà, mơkung ai ală măy mok, rơndeh rơndồ tuah wàs rbòng dà hòr, lơh niam wơl ing ală gơl gùng gơtìp tơrlah. Tàm Yên Bái, mìu jo\ jòng lơh 3 nă cau gơtìp sồt să mờ 8 nơm hìu gơtìp tơrlah tơrling jơh, gah lơh broă sa sươn sre kung gơtìp aniai uă ngan sơl. Tàm Điện Biên, càr geh 2 nă sau dềt gơtìp dà cò pơr dô, càr sồr ală tiah, ală mpồl cau kờp sền wơl ală hìu làng bol kis tàm tiah ngòt rơngơ\t digơlan gơtìp tơrlah ù, ntrờn tus tiah ờdo ờdă lơngăp lơngai, mơkung pơn jat tai bơ\t kơ\ wơl ală bơtơ\t tơnau dơng dà kờn sền gàr niam ờdo ờdă ngan ai tiah đah jum bơtơ\t rbòng dà in.

Cau cih mờ yal tơngi\t- Lơ Mu K’ Yến