VOV4.K’ho Tus tơngai do, 2 càr tàm tiah Tây Nguyên là Kon Tum mờ Gia Lai neh bơyai lơh geh cồng nha Pơrjum dờng cau ala măt Đảng bộ kấp càr tơngai lơh broă bơh nam 2020- 2025. Ală tiah do ndrờm gi\t tàm ală nam tus sơlơ bơ\t bơtàu Đảng bộ mờ ală anih lơh broă chính trị sàng goh, pràn kơldang kơ\ kơl jăp; ngui niam bơta pràn tam klăc bal đah ală jơi bơtiàn; sền gàr kơ\ kơl jăp dà lơgar mờ bơta lơngăp lơngai; jòi mờ ngui geh cồng nha ală bơta pràn nàng bơtàu tơnguh lơh sa- mpồl bơtiàn.

Kon Tum là càr bơh sơnrờp tàm tiah Tây Nguyên bơyai lơh Pơrjum dờng cau ala măt Đảng bộ tơngai lơh broă bơh nam 2020- 2025. Jơnau yal chính trị bơh Tỉnh ủy Kon Tum dê pà go\, tơngai lơh broă pa do, lơh sa bơh càr dê gơguh lơh sa kờp bal pah nam 9,13%. Kờp jơh phan bơna lơh geh tàm ù tiah càr dê kờp bal dùl nă cau gơguh 1,4 dơ\. Tă dia dà lơgar tàm ù tiah càr dê tus nam 2020 lơh geh rlau 3 rbô 500 tơmàn đong. Khà hìu bơnhă r[ah pah nam gơmù rlau 4%. Tơngai lơh broă pa do, jơh gùt Đảng bộ càr Kon Tum tơmu\t Đảng ai 5 rbô 853 nă cau in, sơrlèt khà jàu bơh Kơrnoat dê. Jơh 756 thôn, tổ dân phố geh mpồl Đảng. Là cau ala măt lòt pơrjum dờng, ồng Nguyễn Kim Chiến đơs bè do: Jăt a` den tàm tơngai lơh broă pa do den lơh sa bơh càr Kon Tum dê gơguh niam ngan. Gơguh 9,13% dùl nam là uă ngan pơndrờm mờ ală càr gơ\p bơyô ndai tàm tiah Tây Nguyên kung bè tàm gùt lơgar. Rài kis làng bol dê geh tam gơl uă ngan.

Ban chấp hành Đảng bộ càr Kon Tum khoá 16 tơlik măt

Tus bal Pơrjum dờng cau ala măt Đảng bộ càr Kon Tum dơ\ 16, ala măt Bộ Chính trị, Ban Bí thư Đảng Dà lơgar, Kuang ătbồ Ban Lơh sa dà lơgar là ồng Nguyễn Văn Bình, đơs: 5 nam do, bulah tìp uă kal ke mơya Đảng bộ, gơnoar ătbồ mờ làng bol ală jơi bơtiàn càr Kon Tum neh tam klăc bal, dùl nùs bal, lơh ngan sơrlèt gan kal ke, nhhap nhhar, bơceh pa jòi mờ ngui geh cồng nha ală priă jền, bơta pràn, bơta [ươn bơh tiah he dê nàng tơrgùm lơh jăt Kơrnoat sồ 15 Đảng bộ càr dê mờ lơh geh uă cồng nha kuơmàng.

Mơya, càr Kon Tum kung gam là dùl càr r[ah sơl pơndrờm mờ ală càr tàm tiah Tây Nguyên mờ bơh gùt lơgar. Broă lơh sa gam dềt, lơh sa gơguh ờ hềt kơ\ kơl jăp. Ngan den tàng bè hơ\, jăt ồng Nguyễn Văn Bình Kuang ătbồ Ban Lơh sa dà lơgar dê sồr, tàm tơngai tus, Đảng bộ càr Kon Tum pal ngui niam ală bơta pràn, bơta [ươn, tơnguh uă bơta niam gơguh lơh sa jăt gùng dà kơ\ kơl jăp mờ bơtàu tơnguh lơh sa tơlir. Ồng Nguyễn Văn Bình, đơs: Tơrgùm sền gi\t bàr pe kơnòl broă, broă lơh nàng kờ` tơnguh uă bơta niam gơguh lơh sa jăt gùng dà kơ\ kơl jăp mờ bơtàu tơnguh lơh sa tơlir. Ngui geh cồng nha bơta [ươn bè lơh sa brê, ù brê, ù lơh broă sa sươn sre nàng bơtàu tơnguh, crơng gơs tiah mờng tam ală tờm chi tam geh priă jền lơh sa uă. Tơrgùm tơnguh uă rlau tai bơta niam bơto bơtê, lơh sơnơm; lơh pràn broă lơh mpồl bơtiàn lơh bal, hòi jà ală mpồl lơh sa kă bro tus bal bơtàu tơnguh gah lơh sơnơm, bơto bơtê.

Tàm pơrjum dơ\ sơnrờp, Ban Chấp hành Đảng bộ càr Kon Tum neh pồ ồng Dương Văn Trang pơn jăt tai ăt gơnoar broă Bí thư Tỉnh ủy Kon Tum khoá 16, tơngai lơh broă bơh nam 2020- 2025. Kơrnoat Pơrjum dờng cau ala măt Đảng bộ càr Kon Tum geh jơnau kờ` gơguh lơh sa kờp bal 10% rlau hơđang pah nam. Kờp jơh phan bơna lơh geh kờp bal tàm dùl nă cau geh 70 tơlak đong rlau hơđang tàm dùl nam. Tă dia dà lơgar gơguh kờp bal 8,2% dùl nam. Khà hìu bơnhă r[ah gơmù bơh 3- 4% tàm dùl nam. Là cau ala măt dềt sơnam ngan rlau jơh lòt Pơrjum dờng, bi Y Hoa tus bơh kơnhoàl Tu Mơ Rông gi\t kơnòl broă bơh he dê bè do: Jơh Pơrjum dờng den a` rơcăng rê tàm broă lơh bơh mpồl a` dê là geh mblàng yal wơl ai oh mi cau ùr tàm mpồl cau ùr in bè Kơrnoat bơh Pơrjum dờng Đảng bộ càr dê. Tơnơ\ hơ\ là yal ai ală oh mi in sồr lơh jăt bàr pe tơngume gơrềng tus broă lơh Mpồl mờ srơh cau ùr tàm tiah do dê.

Tơnơ\ càr Kon Tum, Đảng bộ càr Gia Lai kung bơyai lơh Pơrjum dờng cau ala măt dơ\ 16, tơngai lơh broă bơh nam 2020- 2025 sơl. Jơnau yal chính trị sền tàm dơ\ pơrjum pà go\, lơh sa- mpồl bơtiàn càr Gia Lai dê tơngai lơh broă bơh nam 2015- 2020 geh uă bơta àng. Geh 14 tàm 18 broă jàu tờm ngan sồr lơh tàm tơngai lơh broă, neh lơh geh mờ sơrlèt pơndrờm mờ Kơrnoat, mờ khà gơguh lơh sa kờp bal geh 7,83%. Gơhòi gơ jà bơcri priă mờ bơcri priă dà lơgar geh uă bơta gơguh jak; tam brê lơh geh 6,3 dơ\ pơndrờm mờ tơngai lơh broă lài.

Tus mờ đơng lam pơrjum dờng, ồng Trần Quốc Vượng, Ủy viên Bộ Chính trị, Kuang bàng duh broă sùm Ban Bí thư neh jờng rơ ală cồng nha mờ Đảng bộ càr Gia Lai neh lơh geh tàm tơngai lơh broă pa do. Tàm 7 tơngume tă pơgồp jơnau đơs mờ pơrjum dờng, ồng Trần Quốc Vượng, sồr càr pal sền gròi uă tus broă kuang bàng. Ồng Trần Quốc Vượng, đơs: Pal geh broă lơh bơ\t bơtàu mpồl kuang bàng ală kấp, ngan là kuang bàng bơh Ban thường vụ Tỉnh ủy dê ătbồ. Tàm hơ\, sền dờng màng bơto bơtê kuang bàng jơi bơtiàn kòn cau, cau ùr, kuang bàng kơnòm să, kuang bàng cau ùr geh nùs nhơm chính trị kơ\ dơn, geh nùs nhơm, bồ tơngoh mờ broă lơh jak lơh geh jơnau kờ` bơh kơnòl broă dê jàu. Do là kơnòl broă tờm kuơmàng pơgồp bơnah lơh nền lơh jăt geh cồng nha kơnòl broă tàm Kơrnoat Pơrjum dờng dơ\ 16 bơh Đảng bộ càr dê.

Ồng Trần Quốc Vượng đơs tàm Pơrjum dờng cau ala măt Đảng bộ càr Gia Lai khoá 16

Pơrjum dờng cau ala măt Đảng bộ càr Gia Lai dơ\ 16, tơngai lơh broă bơh nam 2020- 2025 yal 17 broă jàu lơh sa- mpồl bơtiàn, 7 mpồl kơnòl broă broă lơh, tàm hơ\ geh 4 kơnòl broă broă lơh geh gi\t là broă tờm, kuơmàng ngan, tàm hơ\ geh bơ\t bơtàu mpồl kuang bàng ală kấp lơh geh jơnau kờ` bơh kơnòl broă dê jàu mờ lơh niam gơnoar broă lơh krơh bơh kuang bàng đảng viên dê, ngan là cau lam bồ; tơrgùm jơh ală bơta pràn nàng bơtàu tơnguh lơh broă sa sươn sre công nghệ cao, sền gròi bơ\t bơtàu ală phan bơna gùng lòt dùl ròt bal, kuơmàng là tàm tiah sar lơgar ngài, tiah kal ke; lơh pràn bơtàu tơnguh lơh broă brê bơnơm nàng tơnguh uă chi che geh tàm brê.

Cau cih VOV Tây Nguyên- Cau mblàng Lơ Mu K’Yến