VOV4.K’ho- Plai hồng Dà Làc, càr Lâm Đồng dê là dùl phan bơna tiơng pơnrơ ngan mơya gam gơtìp lơh pơrlồm bơh plai hồng blơi bơh lơgar Lo. Tềng đap ală jơnau yal ờ ngan, cau ngui sa, uă ngan là cau lơh broă bal lơgar ndai ờ bài blơi phan, gơlam tus phan bơna plai hồng Dà Làc, càr Lâm Đồng ờ geh cau blơi. Bơh hơ\, làng bol sang te\, ờ go\ sơngka sền gàr, den tàng tiah phan bơna pơnrơ ngan do gam ngai sơlơ gơtìp roh te\.

Bàr pe ngai do, mò Võ Thị Tuyết, cau tờm anih ơn prăp blơi plai hồng bơh [òn drà D’Ran, kơnhoàl Đơn Dương, càr Lâm Đồng neh ơm ing kă bro tài bơh ală cau blơi phan uă tàm làm gùt ală tiah ndrờm yal ờ blơi phan tai. Gơbàn jơnau do là tài bơh phan bơna hồng sa plai geh mat sơnđan Dà Làc- Lâm Đồng neh gơtìp phan bơna geh lơh bơh lơgar Lo lơh pơrlồm jai tơn tàm drà kă bro tàm lơgar. Ngan là neh geh bơta lơh pơrlồm muh mat, tàm pơrlồm đah hồng sa plai blơi bơh lơgar ndai mờ plai hồng Dà Làc- càr Lâm Đồng dê lơh cau ngui sa ngòt ờ khin blơi. Mò Võ Thị Tuyết, đơs:

“Drà kă bro gam gơtìp gơrềng tài bơh cau đơs là hồng tàm do tram dà sơnơm khih jơlai den tàng cau ngòt ờ sa. Mơya tàm bơta geh ngan den plai hồng tơnơ\ tu\ pik tơnhàu cèng rê den bol a` tơmu\t tàm măy jùt, bồ măy gơ lòt tàm anih pơdar den geh lơh bơ`à plai hồng. Plai do ờ gơtùi tăc mờ lơgar ndai, den tàng khà priă tăc ờ kas”.

{òn drà D’Ran, kơnhoàl Đơn Dương geh sền là tiah tam uă ngan tờm hồng sa plai càr Lâm Đồng dê, mờ kờp jơh bă ù tam tờm chi tam do gơguh tus rlau 1000 lồ. Jat ồng Phạm Ngọc Quang, kis tàm [òn Phú Thuận, [òn drà D’Ran yal, hồng sa plai neh geh tam tàm kơnhoàl ù tiah do pơgăp mờ do rlau 60 nam, mờ do là dùl tàm ală chi sa plai geh tam uă ngan neh bơh jo\ cèng mat sơnđan phan bơna Dà Làc- Lâm Đồng. Plai bơkah, mat kă bro tiơng pơnrơ, mơya phan bơna tàm do gam gơtìp tàm pơrlồm mờ phan bơna blơi bơh lơgar Lo, gơtìp cau ngui sa ờ bài kờn blơi nđàc sơngi\t ngan, gơ rềng uă ngan tus broă lơh sa mờ rài kis làng bol dê. Ồng Phạm Ngọc Quang, đơs:

“Bồ kàl gam tăc đau 10 rbô đong dùl ki\, den tu\ do neh gơmù uă ngan mìng gam bơh 6 rbô đong tus 8 rbô đong lơm tàm dùl ki\, gơ jat tàm plai hồng niam bơkah halà ờ. Khà priă plai hồng dê tàm do den ờ geh khà priă bè ală nam lài tài den tàng broă sơngka sền gàr bơh làng bol dê kung ờ huan uă sơl, mìng lơh nàng gơ in sơrlèt gan pah ngai lơm”.

Tềng đap ală jơnau yal ờ ngan ngồn, phan bơna plai hồng Dà Làc- càr Lâm Đồng kă bro ờ yòm, cau lơh broă sa ờ geh priă jền sơngka sền gàr, ală sươn hồng bè hơ\ mờ gơtìp sang ờ go\ sơngka sền gàr tai. Ồng Trần Xuân Thưởng, nam do 85 sơnam, ơm kis tàm tiah tam plai hồng tiơng pơnrơ ngan tàm [òn drà D’Ran, kơnhoàl Đơn Dương, càr Lâm Đồng gơlơh nđàc sơngi\t ngan tềng đap jơnau digơlan phan bơna do geh gơtìp roh te\ ờ gam tai.

“Tiah do là tiah tam uă ngan tờm hồng, tiah do mờ ờ gàr geh, ờ sơngka sền gàr niam den đơs ngan là jơnau gơlơh pơlai soh ngan. Cau lơh broă sa sền go\ khà priă gơmù uă ngan den tàng kung ờ go\ kờn sơngka sền gàr tai gơlam tus plai lơh geh ờ uă ngan. Tài bơh khi ờ sền go\ geh drà kă bro tàm tiah lơi, drà kă bro gơ là tàm tiah lơi”.

Gah lơh broă geh gơrềng càr Lâm Đồng gam lơh Rơndăp broă lơh “Lơh, atbồ mờ bơtàu tơnguh ală mat cơng tàng hồng sa plai Dà Làc- Lâm Đồng”, kờn sền gàr broă sền gròi bơta niam, sơlơ hòi jà kă bro mờ tơnguh jơnhoa khà priă phan bơna ai bơta plai chi do in bơh Việt Nam dê. Mơya, tềng đap bơta lơh pơrlồm uă ngan bơh plai hồng lơgar Lo dê ờ gi\t loh anih lơh, phan bơna hồng sa plai Dà Làc- Lâm Đồng tiơng pơnrơ gam ơm tềng đap jơnau gơtìp roh te\ ờ gam tai. Mờ ờ mìng hồng Dà Làc- Lâm Đồng lơm gời mờ bàr pe bơta phan bơna ndai bơh tiah do dê kung gam gơ ơm tàm bơta ndrờm bè do sơl, tàm hơ\ bùm blơn Dà Làc là dùl jơnau ai lơh pơnyơu!

Cau cih mờ yal tơngi\t- Lơ Mu K’ Yến