VOV4.K’ho - Bal mờ tiah tam bơkàu tiah pơn rơ ngan Dà Làc, tàm tiah Tây Nguyên, dơ\ sa tềp bơhiàn nam Ất Mùi 2015 do, cau ngui bơkàu geh tai bơta săc rơ wah ală phan bơna bơkàu geh tam tàm Mang Đen, kơnhoàl Kon Plông, càr Kon Tum. Tus tu\ tơngai do, rlau 60% bơkàu ris tàm do geh cau kă phan dan blơi. Jăt Cơldu\ lơh broă sa mờ bơtàu tơnguh bòn lơgar kơ nhoàl Kon Plông, den dơ\ sa tềp Ất Mùi nam do, ală anih tam bơkàu tàm Măng Đen rcăng lài geh mờr 100 khàp bơkàu dờng mờ ntê bơkàu ală bơta. Tàm hơ\, mìng is bơkàu ly geh tus rlau 50%, gam wơl là bơkàu tuy líp mờ ală bơkàu tòng. Kơnờm khà priă tăc ờ kas rlau mờ bơkàu Dà Làc, bơkàu kung niam mờr ndrờm bal mờ bơkàu tam tàm Măng Đen, kơ nhoàl Kon Plông gam geh uă ngan cau kờn blơi. Bi Nguyễn Hoàn Vũ kuang jăt jơng atbồ sươn lơh tơr lòng lài Kon Plông, di Anih tờm jăt ngui bơta jak chài mờ bơto ngui bơta chài măi mok càr Kon Tum, là mpồl tam bơkàu uă ngan rlau jơh tàm Măng Đen, pà git:“ Dơ\ sa tềp do, Sươn lơh tơr lòng lài tam geh pơgăp 5500 tờm bơkàu ly, khà priă tăc uă tàm sươn là 28 rbô đong. Bơkàu tòng lì bơkàu pơgăp 4000 gri dờng. Bơkàu nam do geh niam rlau. Bơkàu ly neh tam tơr lòng lài tàm ù tiah kơnhoàl Kon Plông neh mờr 5 nam lơh geh bơta kờn ngan ngồn. Gùng lòt den rềp rlau pơndrờm mờ Dà Làc, khà priă sùm ờ kas rlau. Tu\ do, cau neh dan blơi rlau nggùl sươn bơkàu”.